Running Teatro en Zamáns

De Ste Xeito Producións presentará a súa suorenta comedia Running na parroquia viguesa de Zamáns. A cita será o próximo Domingo 20 de Outubro, ás 19:00 horas, no Centro Cultural Recreativo de Zamáns (Vigo). Neste exercicio teatral, os nosos dous actores asumirán o reto de interpretar, ademais dos dous protagonistas desta comedia, a todos os personaxes das familias dos dous e da súa contorna

O prezo do evento será gratuito con aforo limitado. Ademáis os recordamos que a cita está recomendado para público de máis de 12 anos. Máis información no seguinte whatsapp telf. +34 671 82 37 93
➥ Evento organizado pola Asociación Veciñal Cultural e Recreativa de San Mamede coa colaboración da Deputación de Pontevedra, dentro do programa cultural Culturea.

De Ste Xeito participará este ano no Outono Cultural de Zamáns

# 𝗦𝗜𝗡𝗢𝗣𝗦𝗘:
Xulia e Román acaban de coñecerse e o primeiro WhatsApp non tarda en chegar: “¿Quedamos? Veña, ¡si! ¿Pero cando?”

Fillas e fillos de parellas anteriores. Nais divorciadas. Avós na residencia. Adolescentes co pavo. O pequeno coa crise dos 8. Os grandes coa dos 40, coa dos 50, coa dos 60. Clases de ioga para liberar o estrés, patinaxe artístico os luns, danza jazz os martes. E ser taxista. Das fillas, dos fillos, das fillas dos demais, do pai, da nai, da avoa, dos primos. E os deberes. Os deberes da escola e o resto de deberes. Deberes e obrigas. Coidar de todo e de todos menos dun mesmo. ¿Como facer que as axendas cadren? E por outra banda: ¿de verdade quero comezar algo novo que poida supoñer máis deberes e menos pensar nun mesmo?
Romeo e Xulieta tiñan as familias na contra dun amor prohibido.

Xulia e Román aínda non saben se tanto se queren, pois as súas familias, as súas vidas, e os seus propios medos impiden brindar con esa primeira cervexa que podería facer nacer ou morrer o amor eterno.

Cartel de Running Teatro en Zamáns