Neura Teatro en Santa Comba

Neura chega a Santa Comba esta próxima semana. O VENRES 11 DE OUTUBRO, ás 21:30 horas, De Ste Xeito Producións presentará a súa brillante comedia “NEURA, UNHA COMEDIA NEURÓTICO-FESTIVA”. A cita será no Auditorio do Edificio Multiusos de Santa Comba.

𝗣𝗥𝗘𝗭𝗢 𝗗𝗔 𝗘𝗡𝗧𝗥𝗔𝗗𝗔: 𝟯,𝟬𝟬€
𝗣𝗢𝗥𝗧𝗔𝗟 𝗗𝗘 𝗩𝗘𝗡𝗧𝗔: 𝗘𝗻𝘁𝗿𝗮𝗱𝗶𝘂𝗺.𝗰𝗼𝗺
Desde esta ligazón podes comprar a túa entrada: https://entradium.com/es/events/neura-de-producciones-de-ste-xeito
Máis información no WhatsApp Télf 663 729 079

Neura, a comedia de De Ste Xeito, chega a Santa Comba este mes de Outubro

Sinopse de Neura:

NEURA é unha comedia que aborda o tema da saúde mental, iso si, con minúsculas. Os nosos protagonistas conviven con teimas propias e alleas. Tentan agochar algunhas, exhiben outras orgullosos, en ocasións búscanlles tratamento, pero sempre sofren por elas.

Neura non é unha comedia romántica: Edu e Sonia, xa viviron no pasado a súa historia de amor e desamor que terminou precisamente por mor deses pequenos trastornos. Non son amigos, non son amantes. Son esa categoría difusa á que chamamos ex. Xente da que sabemos ata o seu grupo sanguíneo, pero coa que actuamos como perfectos descoñecidos.

Os azares da vida fan que volvan atoparse en distintas circunstancias. Obrigados unha vez máis a poñer a proba a compatibilidade das súas neuras. Con todo, a evolución de cada un por separado, durante estes anos, a través de diferentes terapias e pseudo-terapias fai que se reencontren cunha versión actualizada da persoa á que coñeceron.

Situacións novas e sorprendentes que nos farán viaxar dun xeito hilarante a través do mundo dos trastornos e a saúde mental. Un camiño afastado de preconceptos caducos, que confronta con sinxeleza as múltiples alteracións da personalidade. Manías das que ninguén se libra, por moito que as ocultemos ou sexan tabú.

Neura é unha comedia neurótico-festiva na que todos e todas nos veremos reflectid@s

Cartel de Neura Teatro en Santa Comba