Quén somos

A nosa historia

Somos unha productora galega de espectáculos teatrais, baseada na unión da creación e realización artística de calidade, co seu necesario apoio promocional, publicitario e de distribución.

Como creador@s perseguimos nas nosas propostas interrogar sobre o individuo e profundar na natureza humana. Sempre fronte a un outro: as relacións e cómo estas nos cambian convértense no noso maior eixo de investigación. A nosa linguaxe escénica tórnase máis poética, ou máis humorística… segundo a proposta, pero o que conserva sempre é o ollar crítico, e a perspectiva humanista, honesta e integradora.

A verdade escénica convértese así nun valor fundamental, así como o exercicio de introspección co equipo creativo que pretende tamén ecoar con cada un dos seus membros, en cada un dos procesos… Para finalmente ecoar co público nun facer próximo e familiar.

Elaboramos de maneira artesanal a través de procesos previos de investigación e posta en acción do elenco que inxectan organicidade a cada texto final, e deste xeito a cada resultado escénico.

A nosa maior colaboradora, quen soubo entender o noso espírito a través da súa dramaturxia é Esther F. Carrodeguas.